اريـــــــــد افتــــــــح بــــاب العتـــــــــاب

.."باب العتاب"
.
.
.
أدك الباب رايد أفتح اعتاب
أعتابي اليوم ويه الخان الأحلام


نكرت العشره يمك وظلمتها الروح
وآنه بفرگتك صرت آنه ما انام


أعاين بالسما وانتظر تظهر يوم
يهلال الفطر ظلينه صيام


صرت آنه بفرگتك جثه عالكاع
وصارت حالتي جن حال الايتام


اومن هجرك اليه تعودت هالروح
تكتب هالشعر ابلايه الهام


لأن انت الوحيد الشاغل البال
ولأن انت الوحيد الخان الأيام


تانيتكـ وقوفاً ما كعدت بيوم
يمته ترد بعد ما ظلت أجدام


جمر هذا البگلبي لاتظن اعتاب
وهالشعر الأكتبه بنار الاقلام


منكـ ما أجتني الفرحة والله
منكـ والأجاني بس الالام

كطعت الصله وياي وما تريد تعود
ولك مو هيج كال شبيك الاسلام


أحنه الي نذرنه ارواحنه شموع
واحنه الي لأجلك عشنه خدام


وآنه الي جنت بالعالي اخليك
وأگول آنه المصلي وانتَ الامام


طلعت آنه الامام والصلا والدين
وطلعت انت الوحيد التعبد أصنام


وبعد أعتاب عندي ما خلص ظال
بعد عندي دمع أبنص العيون


ومن كثر الدموع الطاحن وياك
ذبل خدي وذبلن حتى الجفون


وبس خليك لحظة قبل لتروح
أريدن آنه أوصي هاليصلون


أخافن من اموت تتندم عله الفات
ما أريدك تمر وية اليشيعون


ولا اريدك ابد اطخه للتابوت
ولا اريدك ابد وية اليودعون


ولا اريدك تجامل تدمع العين
ولا اريدن تشاركـ هاليدفنون


ولا اريدن تدگ اللافتات اعزاء
حتى بهاي مو ضمن اليدگون


بس الي اريده طلب واترجاه
وراح احسب بعد وية اليوعدون


باجرلوتحب حب من صدك أرجوك
ولا تجذب بعد مثل اليخدعون


لأن العشگ دنيا تقرب الناس
وأنت بهاي مو ضمن اليحسون


لتفارك أحبابك ثق قسم بالله
ترة بفرگاگ صدك هم يموتون


لك عود
من فراگگ عزفنه اليوم .. لك عود
ونغنيلك رياض أحمد .. ولك عود
بعد هجرك صفيت أنه .. ولك عود
وأشواك من الحزن مزروعه بيه
تحياتي لكم
اختكم ساندريلا

صرت آنه بفرگتك جثه عالكاع
وصارت حالتي جن حال الايتام


اومن هجرك اليه تعودت هالروح
تكتب هالشعر ابلايه الهام
عاااشت ايدج
يا غاليه
كلمات
تلامس القلووب
من رقه واعذووبه
مرووري

يسلمووووووووووووو عزيزي عالمرور الحلو
تحياتي لك اسيروووووووووووووو