ليش تكلي احبك

ليش تكلي احبك بس بدون احساس

يعني شلون ؟ ماافهم صرتقصدك

اذا ودك تغيير .. كلي دون اسرار
لــتحبني بكلامك .. حبني بـــودك

من يوم السألتك واني مامرتاح
ولاعيني غفت من اسمعت ردك

اكضي الليل صافن واحجي اني وياي
ابرر موقفك واتعذرالصدك

تراوالي المحبه تزيد يوم بيوم
ويحسدني اليشوفك يمي ويحسدك

عجيبه شبيك تبعد من امرن بيك
وليش تضم علي كل عطرك ووردك

جرفك اني يانهر الحسن مشتاك
صار هواي مامر للجرف مدك

صارهواي ادور بينك انت وبيك
بلكي الكاك بيك وودك يردك

مالومك الك بس اني هم معذور
ماتعرف همومي بهلوكت بعدك

صدكني الوكت وك لعب دوره وياي
والدنيه بغفل من حالي باكتني

زرعتني بجروح وضوكتني الويل
وتعب فوك التعب وياهة تعبتني

غسلتني بدمع وبليل وبكابوس
ولمن كملت .. بالنارشرتني

جرحتني وكبر بيه الجرح اضعاف
وبسموم الدهر صدكني داوتني

ومن ملت ولك فلت ضمادي بساع
وبحلك الجرح مجروح خلتني

حبيت الحياة برغم كل الجور
بس دنياي ابد ما يوم حبتني

اذا ودك برد .. حقك وانهالغلطان
واعذرك لو رحت .. شو كلهه عافتني

واذا عني رحت تمر بيه كلماانام
لان بجفوني صوره وياك رسمتني

ميرسي خيو علي الكلام االرائع

بجد كتيييييير رائع

دوووم مبدع

تحيـــــــاتي

مرورك الاروع