لا يطول .... غيابك

لا يطول ..... غيابك

لا يطول غيابك ... ثم أخذ عليه

لو تخليت عني .. عنك قلبي ما تخلى

العذر والتعلل و الحكي .....ما نبيه

من تحرك فؤاده ... يالهوى ما تخلى

طبعي الصبر لكن وش عليه ارتجيه

من طويل الصبر يعقوب و أيوب ملى

دامني حي عطني و ش بقى نحتريه

مابي دموعك .. اللي عقب موتي تهلى

ما بقى بالعمر مقدار..... ما راح فيه

كل ما زل يوم ... يوم بالعمر ولى

ما يعرف الجمر مثل الذي يكتويه

أحد يدفا بناره .. و أحد فيه يتصلى

يا من القلب حطيته براحه يديه

ما رضى له مكان غير كفك محلى

كم تغدر و عيا عن هوى محتويه

لين طاح بيمينك بالغرام و تجلى

كلمات الشاعر : دايم السيف